Քոր հեշտոցում. morevmankan.am

Հեշտոցում քոր կարող է առաջանալ ցանկացած կնոջ մոտ՝ որևէ հիվանդության կամ ոչ բավարար հիգիենայի  պահպանման պատճառով: Կլինիկորեն այն արտահայտվում է հեշտոցում և շեքի շրջանում, երբեմն ուղեկցվում է արտադրությամբ:

Պատճառները

Ստորև ոչ բժշկական պատճառներն են, որոնք հեշտությամբ կարելի է կարգավորել.

• մեխանիկական վնասվածքներ՝ ակտիվ սեռական հարաբերությունից հետո կամ սափրելիս,
• սինթետիկ ներքնազգեստ օգտագործելիս,
• Նվազագույնը օրը մեկ անգամ շեքի շրջանի անբավարար հիգիենիկ խնամքըշի արդյունքում,
• ձվազատումից, որի ժամանակ արտադրությունը կարող է տհաճ զգացողություն առաջացնել։

Բորբոքում և վարակներ

• Կրաուրոզ հիվանդություն․ լինում է վերարտադրողական տարիքում, լորձաթաղանթի ընթանում է դիստրոֆիայով, որը կարող է առաջացնել սեռական օրգանների դեֆորմացիա։
• Վուլվայի լեյկոպլակիա․ արտահայտվում է էպիթելի ախտաբանական աճով։
• Վուլվովագինալ կանդիդոզ․  խանգարվում է հեշտոցի միկրոֆլորան, քորն ուղեկցվում է որովայնի ստորին մասում ցավով։ Նման դեպքերում իրականացվում է հակասնկային բուժում։
• Էկզեմա․ բնորոշվում է ինտիմ շրջանում կարմրությամբ և ցավոտությամբ։
• Սնկային վարակ․ ուղեկցվող հեշտոցի շրջանում ցանով, այտուցով և տհաճ գացողությամբ։
• Հեշտոցի բարտոլինյան գեղձերի վարակային բորբոքում․ տհաճ զգացողությունն ուժեղանում է նեղ ներքնազգեստից և սեռական հարաբերությունից հետո։
• Միզուկի և միզապարկի լորձաթաղանթի բորբոքում․ արտահայտվում է ցավոտ միզարձակմամբ և որովայնի ստորին հատվածում ցավով:

Այրոցը և ծակծկոցը շեքի շրջանում կարող է նաև զարգանալ տարբեր վարակների հետևանքով.

• տրիխոմոնիազ    
• գենիտալ հերպես,
• պապիլոմա վիրուսից զարգացած հիվանդություն։

Տարբեր հորմոնալ փոփոխությունները կարող են ուղեկցվել շեքի հյուսվածքների հյուծումով և չորությամբ, որը նպաստում է կանանց մոտ տարբեր հիվանդությունների արտահայտմամբ:

Հղիների մոտ ևս շեքի շրջանում հաճախ լինում է տհաճ զգացողություն՝ հորմոնալ տեղաշարժերի արդյունքում: Կարող է սրանալ վուլվովագինալ կանդիդոզը:

Ախտանշանները

Ինտիմ շրջանի քորն ուղեկցվում է հետևյալ ախտանշաններով.

• արյունային և ոչ արյունային արտադրություն,
• ինտիմ շրջանում ցան, այտուց, արյունալեցում,
• տհաճ հոտի առկայություն,
• ցավ որովայնի ստորին շրջանում,
• հեշտոցի լորձաթաղանթի չորություն,
• շեքի շրջանում օտար մարմնի զգացողություն։

Քորը կարող է արտահայտվել թույլ և ուժեղ, որը երբեմն օրվա ընթացքում չի դիտվում  և սկսում է անհանգստացնել քնելուց առաջ:

Ախտորոշումը

Պատճառը պարզելու համար մասնագետի կողմից նշանակվում է հետևյալ հետազոտությունները.

• սովորական կամ ընդլայնված կոլպոսկոպիա, փոքր կոնքի ուլտրաձայնային հետազոտություն, երբեմն լրացուցիչ՝  հիստերոսկոպիա և լապարոսկոպիա,
• հեշտոցի քսուքի հետազոտություն,
• բորբոքման պատճառ վարակի հայտնաբերման միկրոկենսաբանական հետազոտություն և դեղի նկատմամբ նրա զգայունության որոշում,
• սերոլոգական հետազոտություններ՝ մեծ ճշգրտությամբ, մանրէների հայտնաբերման համար,
• այլ լաբորատոր հետազոտություններ՝ արյան, մեզի հետազոտություն, էսթրոգենների որոշում։

Բուժումը

Բուժումը կոնսերվատիվ է։

• Անհանգստացնող ախտանշանները նվազեցնելու համար նշանակվում են հակասնկային պատրաստուկներ, հակաբիոտիկներ,
• Էսթրոգենային թերապիա,
• բորբոքման և հյուսվածքների ատրոֆիայի դեմ օգտագործվում են հատուկ մոմիկներ, քսուքներ,
• կաթնաթթվային մանրէներիազդեցությամբ վերականգնում են հեշտոցի միկրոֆլորան,
• նշանակվում են հակադեպրեսանտներ, եթե քորը կապված է կնոջ հոգեհուզական վիճակի հետ,
• հղիների և ալերգիկների մոտ քորը թեթևացնում են հիգիենիկ քսուքների օգտագործմամբ։

Ծանր դեպքերում երբեմն հարկ է լինում դիմել վիրահատական միջամտության:

Կանխարգելում

• Ուշադրություն դարձնել անձնական հիգիենային,
• խուսափել նեղ և սինթետիկ ներքնազգեստ օգտագործելուց,
• խուսափել ամենօրյա միջադիրների մշտական օգտագործումից,
• սեռական հարաբերությունների ժամանակ պաշտպանվել հիմնավոր միջոցներով,
• տարին երկու անգամ հաճախել գինեկոլոգիական ստուգման,
• կարմրության և գրգռվածության դեպքում պարզել պատճառը, ալերգենի առկայությունը,
• բարձրացնել օրգանիզմի դիմադրողականությունն առողջ ապրելակերպով, վիտամինների ընդունմամբ։

Հարցեր, պատասխաններ, մեկնաբանություններ